Google ADS

Konfirmohen edhe tre raste të reja me Coronavirus në Maqedoninë e Veriut

00:52 | 10 Mars 2020
Trina Galanxhi

Ministria e Shëndetësisë njoftojnë se nga gjithsej tetë pacientët e testuar gjatë pasdites së sotme, tre kanë rezultuar pozitiv ndaj virusit korona.

Bëhet fjalë për tre familjarë të çiftit tashmë të infektuar nga Dibra. Numri i përgjithshëm i të prekurve nga virusi korona në vend tashmë ka shkuar në 7.

“Pacientët pozitivë, nga e premtja, 6 marsi, kanë qenë në izolim shtëpiak, që nga sonte ata do të trajtohen në spital pranë Klinikën e Sëmundjeve Infektive dhe Febrile në Shkup”, thonë nga Ministria e Shëndetësisë, shkruan Alsat-M.

Gjatë ditës së sotme gjithashtu u konfirmua rasti i katërt me virusin korona në vend, respektivisht infektimi i drejtoresha e Klinikës për sëmundje të lëkurës.

Për shkak të saj 193 persona të tjerë vendosen në izolim shtëpiak, 103 prej të cilëve pjesëmarrës në një konferencë të mjekëve dermatologë ku ishte prezent drejtoresha. Ajo së fundmi ishte kthyer nga Italia dhe për pesë ditë ka vazhduar punën në Klinikë.

 

Shpërndaje në rrjete sociale

Lajmet më të lexuara

Të ngjashme

Foto lajm